საგზაო ნიშნები

                                  The road signs

ქ.წალკის #1 საჯარო სკოლის სამოქალაქო კლუბის წევრებმა განვახორციელეთ ჩვენი მოგებული პროექტი "საგზაო ნიშნები" და სკოლისა და ბაღის მიმდებარე ტერიტორიაზე დავდგით მწოლიარე პოლიციელები, ასევე სხვა საგზაო ნიშნები

21 მარტი – მეგობრები არ ითვლიან ქრომოსომებს

21 მარტი – ეს თარიღი გაერთიანებული ერების ორგანიზაციის ეგიდით 2011 წლიდან დაწესდა და მსოფლიოს უმრავლეს ქვეყნებში, მათ შორის საქართველოშიც, აღინიშნება. მასშტაბური საერთაშორისო ღონისძიებების მთავარი მიზანი საზოგადოების ინფრომირება, ცნობიერების ამაღლება და მხარდაჭერის მოპოვებაა. სოციუმს მწირი და ხშირ შემთხვევაში არასწორი ინფორმაცია აქვს შეზღუდული შესაძლებლობის, დაუნისსინდრომის მქონე ადამიანთა შესახებ. დაუნის სინდრომით იბადება ყოველი 800 ბავშვიდან ერთი. დაუნის სინდრომის მქონე ბავშვი შესაძლოა ეყოლოს ნებისმიერ ადამიანს. დაუნის სინდრომი დაავადება კი არა, გენეტიკური ცვლილებაა. დაუნის სინდრომი არც მემკვიდრეობითია და არც გადამდები.  დაუნი არშეიძლება გამოიყენებოდეს დამაკნინებელ სიტყვად – დაუნი არის მეცნიერი,რომელმაც პირველმა აღწერა ეს სინდრომი. 2013 წელს დაუნის სინდრომის საერთაშორისო ორგანიზაციის ინიციატივით დამკვიდრდა „უთვალავი წინდის“ ტრადიცია, რომლის მიზანიც მასობრივი სოლიდარობის ორიგინალურად გამოხატვაა. ფერადი წინდის შეძენით ადამიანები იქცევენ გარშემომყოფთა ყურადღებას, ხდებიან ინფრომაციის გამავრცელებლები და იღებენ სოციალურ პასუხისმგებლობას – წვლილი შეაქვთ დაუნის სინდრომის საერთაშორისო ორგანიზაციის ფონდში, რომელიც თემის უფლებების დაცვასა და სტიგმის დაძლევაზე მუშაობს. არასათავრობო ორგანიზაციების „ვიმეგობროთ“ და „დაუნის სინდრომის მქონე ბავშვთა, მშობელთა და პროფესიონალთა კავშირი ჩვენი ბავშვების“ ეგიდით „უთვალავი წინდის“ იდეას წელს საქართველოც უერთდება. 21 მარტს მოქალაქეებს შეეძლებათ ფერადი წინდის შეძენა და მისი სხვადასხვა სახის აქსესუარად გამოყენება. უჩვეულო შტრიხი საზოგადოებას კიდევ ერთხელ შეახსენებს დაუნის სინდრომთან დაკავშირებულ მნიშვნელოვან პრობლემებს. „უთვალავი წინდით“ უთვალავი მოქალაქე ხელს შეუწყობს იმ სტერეოტიპების რღვევას, რომლებიც ერთი მხრივ არასწორ წარმოდგენას ამკვიდრებს საზოგადოებაში, ხოლო მეორე მხრივ თავად დაუნის სინდრომის მქონე ადამიანთა და მათი ოჯახის წევრთა იზოლირებას იწვევს.

              World Down Syndrome Day commemorated around the globe

     ამ დღესთან დაკავშირებით ჩვენმა სამოქალაქო კლუბმა მეთართმეტე კლასში განვახორციელეთ პატარა აქცია: "მეგობრები არ ითვლიან ქრომოსომებს"!!!!!!!!!!!!

  

ეს ჩვენი კლუბის ზაფხულის აქტივობებია, ჩვენ ზაფხულში ვესტუმრეთ ქ.წალკის რაიონის რამოდენიმე სოფელს და მათ ვანახეთ ჩვენი შემოქმედება: ქართული ხალხური ცეკვები და სიმღერები, მინი სკეტჩები და თანამედროვე ცეკვებიც. პროექტის სახელწოდებაა "ყველანი ერთნი ვართ". პროექტის საშუალებით მოხდა ჩვენი სკოლების დამეგობრება.  ეს სოფლებია: ავრანლო, თრიალეთი, ხარება, გუმბათი და გუნიაკალა.

 

 პროექტში ასევე მონაწილეობას ღებულობდნენ ჩვენი სკოლის ინკლუზიური განათლების მოსწავლეები.

2013 წლის 11 და 12 დეკემბერს კლუბ "აისის" წევრებმა გამართეს ტრენინგ-სემინარი სახელწოდებით ის ვინც ეწევა ვერ დაგვეწევა" ტრენინგი გაიმართა 2 ნაწილად. პირველი 11 დეკემბერს მე-5, მე-6, მე-7, მე-8 კლასელთათვის, ხოლო მეორე 12 დეკემბერს მე-9, მე-10, მე-11 და მე-12 კლასელთათვის. ტრენერებმა ისაუბრეს თამბაქოზე. მის გავრცელებაზე და უარყოფით გავლენაზე. ტრენინგის ბოლოს აუდიტორიას წარუდგინეს კლუბის წევრების მიერ გადაღებული ვიდეო თამბაქოზე, რომელმაც დიდი მოწონება დაიმსახურა დამსწრეთა შორის.

28.11.2013 ახალგაზრდული ფორუმი წალკის N1 საჯარო სკოლაში. (10 ფოტო)

წალკის N1 საჯარო სკოლის სამოქალაქო კლუბის „აისი“ ; თრიალეთის საჯარო სკოლის სამოქალაქო კლუბის „ჩირაღდანი“ და ბარეთის საჯარო სკოლის სამოქალაქო კლუბის „ჩვენ“ წევრები მონაწილეობდნენ ახალგაზრდულ ფორუმში. მათ მიერ შემუშავებული საპროექტო იდეა , რომელიც მოიცავდა ქალაქის მთავარი ნაგავსაყრელის დასუფთავებას და ტერიტორიაზე ნაგავსაყრელის განთავსებას , იმავე დღეს წარედგინა პროგრამის ხელმძღვანელებს და თვითმმართველობის წარმომადგენლებს შეხვედრაზე.
პროექტზე მუშაობისას , დროის სიდუხჭირის გამო, კლუბებს არ ჰქონდათ დაზუსტებული ინფორმაცია ტერიტორიასა და პირობებზე, სადაც საპროექტო იდეა უნდა განხორციელებულიყო.
6 დეკემბერს, გარკვეული მიზეზების გამო, შეხვედრა თვითმმართველობასთან მხოლოდ სამოქალაქო კლუბმა „აისმა“ მოახერხა.
პროექტის ფარგლებში იგეგმებოდა არასამთავრობო ორგანიზაციებთან მუშაობა, მათ შორის იყო „Clean-up Georgia-დავასუფთაოთ საქართველო“. კლუბ „აისის“ ლიდერი შეხვდა ზემოაღნიშნული პროექტის ქვემო ქართლის კოორდინატორს ბ-ნ ზვიად ხაფავას, ქ.წალკის მუნიციპალიტეტის გამგებლის მოადგილეს ბ-ნ ირაკლი გიგინეიშვილს და აღნიშნულ საქმესთან დაახლოებულ პირებს.
შეხვედრისას გაირკვა, რომ ნაგავსაყრელი გადაეცა ორგანიზაციას, რომელიც 2014 წლის მაისში გეგმავს მის დასუფთავებას და ტერიტორიაზე კონტეინერების განთავსებას.
თვითმმართველობა დიდი სიხარულით შეხვდა ინიციატივას და ქვემო ქართლის კოორდინატორი „საქართველოს მწვანეთა მოძრაობიდან“ მუდმივ მხარდაჭერას დაპირდა ჩვენს კლუბებს განსახორციელებელ პროექტებში.
სამწუხაროდ თუ საბედნიეროდ, კლუბებს პრობლემაზე მუშაობა აღარ უწევთ. ბ-ნ ზვიად ხაფავასთან ერთად ისინი ბევრ აქტივობას გეგმავენ.





სამოქალაქო კლუბი „აისი“

         ქ.წალკის #1 საჯარო სკოლის სამოქალაქო კლუბმა „აისი“ 3013 წლის 20 ოქტომბრიდან დაიწყო საქველმოქმედო პროექტის განხორციელება. მისი მთავარი მიზანია  ლეიკემიით დაავადებული ბავშვების დახმარება. კლუბის წევრებმა საკუთარი ხარჯებით გააკეთეს მინის ყუთი, რომლის განთავსებაც გადაწყვიტეს საზოგადოებრივი თავშეყრის ადგილებში. ყუთს ადგილმედებარეობას პერიოდულად უცვლიან და პროექტს რეკლამირებას უკეთებენ მეტი თანხის შეგროვების მიზნით. ყუთის აღება იგეგმება 20 იანვარს. ასევე ამავე რიცხვში იგეგმება ლეიკემიით დაავადებულთა ფონდის დირექტორის დიტო ცინცაძის სტუმრობა და შეგროვილი თანხის მისთვის გადაცემა. კლუბის წევრები იმედოვნებენ, რომ მათ მიერ შეგროვილი თანხა დაეხმარება ბავშვებს და მათ მიერ დაწყებული საქველმოქმედო აქცია „გადამდები“ აღმოჩნდება.